Нашы дні (1937)/Таніна тайна

← Гераічнай Іспаніі

Таніна тайна Верш Аўтар: Якуб Колас 1937 год

Песні аб імперыялістычнай вайне →

Іншыя публікацыі гэтага твора: Таніна тайна.

Прапануем да спампаваньня!

ТАНІНА ТАЙНА

Ходзіць Таня ў задуменні,
Хмурыць бровы.
Што з ёй стала?
І на Таню ў недаўменні
Брыгадзір глядзіць суровы —
Каго Таня пакахала?

Заклапочан твар у Тані.
Зораць вочы
Дзесь далёка.
Пэўна марыць аб каханні
Сэрца палкае дзявоча —
Не зманеш людскога вока.

Таня песень не спявае
І не ходзіць
На гулянкі.
Што-ж? праява то людская,
І каму каханне шкодзіць.
Але хто яе каханкі?

У людзей свае дагадкі.
Толькі-ж людзі
Не прарокі!
Не — не тыя непаладкі
Не — не тое томіць грудзі
Маёй Тані яснавокай.

Сама-ж Таня маўчыць горда…
Дзе напасці?
Дзе прычына?
Перакрыць, пабіць рэкорды
Свае прыяцелькі Насці. —
Вось што думае дзяўчына.

1/XI 1936 г.