Нашы дні (1937)/Панам-ваякам

← Польскім катам

Панам-ваякам Верш Аўтар: Якуб Колас 1937 год

Да 11-е гадавіны →

Іншыя публікацыі гэтага твора: Панам-ваякам.

Прапануем да спампаваньня!

ПАНАМ-ВАЯКАМ

Забразгалі
„Шабелькамі“
Палкоўнікі-паны.
Не ўрымстуюць
Пільсудчыкі:
Ім хочацца вайны.
З‘язджаюцца,
Злятаюцца
Крывавых спраў майстры,
Шушукаюць,
Змаўляюцца,
Падпальваюць кастры,
Каб з дымам іх,
З пажарамі
Зноў рушыцца ў паход.
Мы ведаем
Іх намеры
Магнатаў, ваявод;
Прадонне іх
Палохае —
Гісторыі прысуд.
Шукаюць нам
Пагібелі,
А будзе ім капут.
Палкоўнікі,
Ваёўнікі,
Вам меч ці па плячы?
Прыпомніце
Вы прыказку
Старую аб мячы.