Наперад, змагарна наперад!..

Наперад, змагарна наперад!.. Верш Аўтар: Вацлаў Ластоўскі 1922 год Крыніца: Часопіс «Беларускі Сьцяг», № 1, красавік-травень 1922 г., б. 18

Благаслаўлен сын… →

Прапануем да спампаваньня!

* * *

Наперад, змагарна наперад!
Да волі цярэбячы троп, —
Штодзенна ўскіпаем мы гневам
І помсту шлюбуем па гроб!
Нахрапнаю крыўдай ня ўздзержыць
Вам вольны ў кайданах прастор:
З дум горкіх, з сэрц нашых, гартоўны
Скуем мы з праклёнам тапор.
Прыметну заборчасьць, падзелы
І зьдзекі, і крыўды, і пот; —
Бярэсьця і Рыгу, ў дзень судны,
У дзень помсты, спамяне народ!
Наездчык, — крыўдзіцель-грабіцель, —
Спакойны стурбуем твой сон: —
Пасокаю чорнай тваею
Наш родны угноім загон!

Власт.

---