Благаслаўлен сын…

← Наперад, змагарна наперад!..

Благаслаўлен сын… Верш Аўтар: Вацлаў Ластоўскі 1922 год Крыніца: Часопіс «Беларускі Сьцяг», № 2-3, чэрвень-ліпень 1922 г., б. 29

Прапануем да спампаваньня!

* * *

Благаслаўлен сын,
які за Маці чэсьць
гатоў да бітвы стаць небарна:
свабоды дзень для ўсіх
сваей крывей
купіць ахвярна.

Благаслаўлен муж, каторы мсціць
зьневагу праў грамадзкіх
і сьлёзы ўдоў.

Благаслаўлен будзь, каторы
Адплату кроўю дасьць за кроў
І ворага прымусіць
Імя Беларусі…
Чціць…

Хай прыйдзе ён, як Бог,
Адзет у помсты тучу:
Пад громаў гук, маланак блеск,
Пад славы песьнь пявучу!

Власт.

---