Мая ліра (1924)/V/Мурашка і галубка

З пляцоўкі Вікікрыніцы
Шляхам цярністым Мурашка і галубка
Верш
Аўтар: Казімір Сваяк
1924 год
Бабе і чорт з дарогі уступае
Іншыя публікацыі гэтага твора: Мурашка і галубка.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




МУРАШКА І ГАЛУБКА.

Увалілася неяк ў крыніцу,
Што брала спад зямлі вадзіцу,
З работы ідучы мурашка.
Напрасна яна там ратуецца,
Пакінуўшы цяжкую ношу:
Жыцьця ей канчалася ласка.
Пад гэты час бела галубка
Аподаль на хвойцы сядзела: —
Ігліца маленька на помач
Мурашцы з гэтай хвойкі зьляцела;
Мурашка абняўшы хмызінку,
З крынічкі тэй выплыць здалела…
Адзін паляўнічы нядобры
Намэціў раз стрэл неабмыльны
Галубку зьняць з хвойкі іглістай,
Тады міжы траўкі расістай,
Ішла на работу мурашка: —
Ціхенька к стральцу падцікала
Укусам яго страпянула: —
Стрэл вышаў няцэльны,
Галубка ў высі патанула,
За помач мурашцы падзячна.