Мая ліра (1924)/I/Мест прадмовы

Мест прадмовы
Верш
Аўтар: Казімір Сваяк
1924 год

Прапануем да спампаваньня!

I.

МЕСТ ПРАДМОВЫ.

Ня пішу я для забавы,
Ні для бліхтру, ані славы,
Ні на сьмех табе, бязверца, —
Пішу я, бо плача сэрца.

Cумна страшна думкі рвуцца,
Ў сіню даль, як рой нясуцца,
Ў ціхі гай, гдзе ўсенька чуе, —
На прыгон, гдзе брат гаруе.

Злажыць песьню ледзь умею,
Ад тых думкаў аж мадзею,
Сэрца мне агнем пылае,
Аж загублена сканае.

Прачытай жа маю «Леру»,
Бо я сам сабе ня веру,
Ці пісаць мне, ці стрымацца,
Каб на зьдзек чартом ня дацца.