Мая ліра (1924)/I/Сонцу узгорнаму

← Мест прадмовы

Сонцу узгорнаму Верш Аўтар: Казімір Сваяк 1924 год

Песьня на псальм 130 →

Іншыя публікацыі гэтага твора: Сонцу ўзгорнаму…

Прапануем да спампаваньня!

СОНЦУ УЗГОРНАМУ…

Сонцу узгорнаму, што сьвеціць кожнаму,
Месяцу блуднаму, ў загадках труднаму,
Гвездкам нябесным
Байкі пішу.

Душы збалелай, з мук ашалелай,
Духаві цёмнаму, ад веку соннаму,
Цела крывавага
Путы крышу.

Музе пудлівай, сумам шчасьлівай,
Ледзь пазнаванай, неадгаданай,
Сэрцу пламеннаму
Песьні нясу.