Матчын дар (1918)/На чужыне/Ветру

← Навакол…

Ветру Верш Аўтар: Алесь Гарун 1918 год

Завіруха →

Іншыя публікацыі гэтага твора: Ветру (Гарун).

Прапануем да спампаваньня!

Ветру.

---

Ветрэ, ветрэ вольны,
Стой, зрабі паслугу!
Буду спосаб меці,
Аддзякую другу.
Зьлетай, легкі, борзда
У край, адкуль я родам, —
Бацьку, матку убачыш,
Мілую заходам;
Убачыш гэнам, ворле,
У краю тым—старонцэ:
Брат мой беларусін
Гібее без слонца.
Ім усім паклонам
Нізкім ты скланіся,
Хай жывуць, красуюць…
А потым вярніся.
Гэтта скажаш, браце,
Мне, што там убачыу.
Буду спосаб меці,
Паглядзіш, аддзячу!