Маладая Беларусь (альманах)/3/Wieršy (Петрашкевіч)/Biaroza

Biaroza
Верш
Аўтар: Альфонс Петрашкевіч
1913 год

Прапануем да спампаваньня!

Biaroza.

Ty skaży, biaroza,
Skaży, darahaja,
Atčaho staiš ty
Chmaraja takaja?

Čamu z halin wiecier
Abarwaŭ listočki?
Čamu tak żudosna
Šumiš ty u nočku?

Hdzie twaja padziełaś
Moładaść i siła?
I staiš ty chmura,
I šumiš unyła…

Hołasam praciażnym
Biaroza azwałaś:
«Horka mnie żywiecca!…
Mnoha mnie dastałaś

Ad wiatroŭ siardzitych
Letniaju paroju,
Ad marozaŭ, bury
Ŭ wosień i zimoju,

Ale znoŭ wiasnoju
Ŭ zieleń ja ŭbirałaś,
Znoŭ z usimi razam
Żyła j krasawałaś.

Choraša było mnie
Ŭ wopratce zialonaj,
Horda rasćwitała
Ja swajej karonaj;

Ptuški u halinkach
Maich pieśni pieli…
Oj wy, dni wiasieńni,
Skul k nam prylacieli?!..