Крывіч (часопіс)/1923/5/На ўзьмежы

← Ікар

На узьмежы Верш Аўтар: Вацлаў Ластоўскі 1923 год Крыніца: Часопіс «Крывіч», № 5, лістапад 1923 г., б. 4

Іншыя публікацыі гэтага твора: На ўзьмежы. У зьмесьце: На узмежжы

Прапануем да спампаваньня!

На узьмежы.

Былых астой душы людзкой
Няшчадна йдзе ламежа;
Паміж руін ждом новых дзён
З старога мы узьмежа…

З намі цьмень, прад намі жах:
Кругом зьмятні люцежа;
Ў назьмежных дзён сутонны час
Усплыла наверх буцьвежа.

Гразой забіт народ маўчыць,
Як бойная скацежа:
Кады-ж канец і дзе той троп,
Каб выйсьці ўжо з суцьмежа?..