Кельнскі Сабор

← Рэйнскі вадапад

Кельнскі Сабор Аўтар: Вацлаў Ластоўскі 1923 год Крыніца: Часопіс «Крывіч», № 2, ліпень 1923 г., б. 2

У Альпах →

Прапануем да спампаваньня!

Кельнскі Сабор.

Пачвар брыдкіх збароўшы роты,
наўзвыш рвануў пабедны дух!
Такі уздойм, пачулі Готы
ў сваей душы, скрышыўшы Рым.
Пазбыт ланцуг!!!
І Богу ў чэсьць, кудзьбіт старэтны,
зьмяняў скалу у хвальны сьпеў,
шыбаў да зор; хоць апраметну
глыбежу знаў, ды шчасьця міг
Багоміць ўмеў…
Кудзебных кроз, хацьбы магутнай,
агідных мар—у гэты мур—
ўклято бязмер! З пад сьнедзі бруднай,
яшчэ цяпер, лучаць гудзьбы
змагарных бур!

---