Зорным шляхам (1932)/Песьні каханьня/Песьні каханьня, вы — птушкі…

← ⁂ (Салодкі шум грымячых шын…)

⁂ (Песьні каханьня, вы — птушкі…) Верш Аўтар: Хведар Ільяшэвіч 1932 год

⁂ (Сягоньня я хворы…) →

Прапануем да спампаваньня!

∗
∗       ∗

Песьні каханьня, вы — птушкі,
Ляціце да мілай маёй…
Пасядзьце ўвяночак — істужкай
Над сьветлай яе галавой…

Загляньце, ці чыстыя вочы
Сінеюць прасторам нябёс?
Ці шэмрам калосьсяў шапочуць
Зьвіткі яе хваляў — валос?

Бо вобраз твой сьніць няма сілаў,
А сэрца мне смутак спавіў…
Ляціце-ж, ганцы, к маёй мілай
Абшарам разлогаў і ніў…