Зорным шляхам (1932)/Песьні каханьня/Сягоньня я хворы…

← ⁂ (Песьні каханьня, вы — птушкі…)

⁂ (Сягоньня я хворы…) Верш Аўтар: Хведар Ільяшэвіч 1932 год

⁂ (Плакаў дожджык ноччу…) →

Прапануем да спампаваньня!

∗
∗       ∗

Сягоньня я хворы, —
Ня бачыў цябе я…
А месяц учора
Сьвяціў, як лілея…
Вясеньнія дрэвы
Вакол калыхалісь…
Ў кустох перапевы
Цьвілі, расплывалісь….
Я цэлую ночку
Ня спаў — лятуцеў —
І мроілась у воччу
Напеўнасьць дзярэў….
Сягоньня я хворы —
Тужлівы, натхнёны
І ціхі, як зоры —
Я хворы сягоньня….

1930.