Звон вясны (1926)/І. Плаўнік/Толькі ноч

← Штрыхі

Толькі ноч Верш Аўтар: Ізраіль Плаўнік 1926 год

Успаміны →

Прапануем да спампаваньня!

ТОЛЬКІ НОЧ…

Толькі ноч сапхнула сонца з вышак,
Каб расьсеяць ў рэчцы жменю зораў…
Месяц з нітак сініх неба вышыў,
Выткаў з хмар шаўковістыя ўзоры.

Прарасла у рэчцы жменя зораў, —
Падняліся каласы угору…
........
Я цябе галубіў каля бору,
Нібы зоры зьзялі вочы-вішні…
Вусны пілі хмель каханьня мора, —
Толькі ноч сапхнула сонца з вышак,
Каб расьсеяць ў рэчцы жменю зораў.