Збор твораў (Купала, 1925—1932)/VI/II/Ці хто думаў…

← Цішку Гартнаму

Ці хто думаў… Верш Аўтар: Янка Купала 1932 год

На сьмерць Сьцяпана Булата →

Іншыя публікацыі гэтага твора: Ці хто думаў…

Прапануем да спампаваньня!

ЦІ ХТО ДУМАЎ…

Цішку Гартнаму

Ці хто думаў, ці хто сьніў
Таму дваццаць зім і лет,
Што капыльскі наш гарбар
Гэтак слаўна выйдзе ў сьвет.

Так бунтарна апяе
Быцьця новага сяўбу —
І змаганьне беднаты,
І рабочых барацьбу!

*

Ці хто думаў, ці хто сьніў,
Лапці носячы й рызьзё,
Калі ўсерасійскі цар
Наш народ таптаў з гразёй, —

Што рэспублікі сваёй
Мы уздымем вольны сьцяг,
Абвясьціўшы ўсім, усім,
Што цары ўжо нам ня страх!

*

Ці хто думаў, ці хто сьніў
Таму дваццаць лет і зім,
Што ня хто, а той гарбар,
Каб гучэў саветаў гімн, —

Для свабоднай БССР
(Не для іншай там якой)
Ён прынёс народу дар
Сваёю ўласнаю рукой!

Сьнежань 1928 г.
Менск

---