Збор твораў (Купала, 1925—1932)/VI/I/Поэтам

← Паліліся мае сьлёзы

Поэтам Верш Аўтар: Янка Купала 1932 год

Да N →

Іншыя публікацыі гэтага твора: Паэтам (Купала).

Прапануем да спампаваньня!

ПОЭТАМ

Поэты вучаць месты, вёскі
Як трэба жыць, багатым быць,
А самі-ж часта на падноскі
Ня умеюць грошы зарабіць.

Пяюць аб шчасьці, добрай долі,
Аб волі шчырай для людзей,
Пяюць, ня помняць, што ніколі
Ня будзеш песьняй сыт аднэй.

Сьпявайце-ж, мілыя поэты,
Дый трэба сьціха, меру знаць, —
Бо хіцер, хіцер наш век гэты —
Гатоў вам песьню апляваць.

31-III—1906 г.

---