Збор твораў (Купала, 1925—1932)/V/III/Млечны шлях

← Паяжджане

Млечны шлях Верш Аўтар: Янка Купала 1928 год

Званы →

Іншыя публікацыі гэтага твора: Млечны Шлях (Купала).

Прапануем да спампаваньня!

МЛЕЧНЫ ШЛЯХ

Лёг па небе шлях млечны, шлях зьлепленых зорак,
Паясом-серабром без канца і пачатку,
Цікуе, як месяц з узгорку на ўзгорак
Пад ім лазіць, мяняючы штоноч апратку.

І галубіць шлях бледны зямлю яснавіцай,
дчыць вочак мільёнамі долю людзкую,
То сьвятлей, то мглісьцей зацьвітае, мігціцца,
Сее скрозь ні то сон, ні то яву такую.

Людзі кажуць, што птушкам, зблудзіўшым уночы,
Млечны шлях служыць сьцежкай-пуцінай у вырай.
Яшчэ кажуць, што гэта сьлязінкі сірочы
Замяніліся ў зоркі ды сьвецяць так шчыра.

9-XI—18 г.

---