Збор твораў (Купала, 1925—1932)/V/II/Сумна, сумна…

← Хай-жа вам так не здаецца…

⁂ (Сумна, сумна…) Верш Аўтар: Янка Купала 1928 год

⁂ (Можам часта мы плакаць…) →

Іншыя публікацыі гэтага твора: Сумна, сумна жыць на свеце…

Прапануем да спампаваньня!

∗
∗     ∗

Сумна, сумна жыць на сьвеце,
Жыць ня меўшы долі;
Ой, сумней-жа долю меці,
А ня меці волі.

Дык завабма ў нашы сеці
Ясназорку волю,
Што людзям, як сонца, сьвеціць,
Ў радасным прывольлі.

Аб нядолі тады пеці
Ўжо ня будзем болей,
І так шчасьце будзем меці:
Воля будзе доляй!

1907 г.

---