Збор твораў (Купала, 1925—1932)/II/Для яе/Ці ты чуеш?..

← З недацьветаў

Ці ты чуеш?.. Верш Аўтар: Янка Купала 1926 год

З табою… →

Іншыя публікацыі гэтага твора: Ці ты чуеш?..

Прапануем да спампаваньня!

ЦІ ТЫ ЧУЕШ?..

Ці ты чуеш, дзяўчынка,
Як трасецца хацінка,
Як вятрыска скуголе,
Шум нясе нейкі з поля?

Ці, пачуўшы, пазнала,
Што ўсё гэта нагнала
Табе ў сэрца са сьвету,
Ці адчула ўсё гэта?..

Гэта восень заводзе,
Сьлёзы льле ў непагодзе
Над табой, нада мною,
Над няшчаснай зямлёю.

Ня пужайся-ж ты крыкаў
Непагоды вялікай…
Нас бог крыўдзіць з людзямі,
Восень плача над намі.

---