Збор твораў (Купала, 1925—1932)/I/Жалейка/Шчасьце

← Любімось, мае суседзі!

Шчасьце Верш Аўтар: Янка Купала 1925 год

Засьвяціла цяпло… →

Іншыя публікацыі гэтага твора: Шчасьце (Мы гонімся часта за мараю блуднай…).

Прапануем да спампаваньня!

ШЧАСЬЦЕ

Мы гонімся часта за мараю блуднай,
Якая ў нас шчасьцем завецца,
Дый трудна яе нам злавіці, ой трудна,
Хоць блізка, туж блізка, здаецца…

Аднымі рай шчасьце завецца багацьце,
Што сьвеціцца грошы машонкай;
Другімі — парадак і згода у хаце,
А іншымі — ўдалая жонка,

Той рвецца да славы шырокай, вялікай,
Той — жыці нязнатна, як дзеці;
Той — песьняй азвацца нясвойскай і дзікай,
Той — родную думку запеці…

І роім у думках так цэлымі днямі,
Ды шчасьце ня роіцца ройна…
А сьлёзы другіх, што ліюцца прад намі,
Ці-ж могуць даць спаць нам спакойна?..

---