Збор твораў (Купала, 1925—1932)/I/Жалейка/Ой, чаму на хаты гэтыя?..

← Спусташэньне

Ой, чаму на хаты гэтыя?.. Верш Аўтар: Янка Купала 1925 год

Зіма →

Іншыя публікацыі гэтага твора: Ой, чаму на хаты гэтыя?..

Прапануем да спампаваньня!

ОЙ, ЧАМУ НА ХАТЫ ГЭТЫЯ?..

Ой, чаму на хаты гэтыя
Зышла восень з халадамі,
Калі людцы не сагрэтыя
Трасуцца пад лахманамі?!

Ой, нашто, нашто няшчаснага
Парадзіла мяне маці,
Калі долі, шчасьця яснага
Не магла з жыцьцём мне даці?!

Цяжка з віхрам жыцьця біціся,
Горш, як з бурай хвойцы ў полі,
Дый цяжэй жыцьця пазбыціся,
А яшчэ цяжэй — нядолі!

---