Збор твораў (Купала, 1925—1932)/I/Жалейка/З маіх песень

← Каму вас, песьні?..

З маіх песень Верш Аўтар: Янка Купала 1925 год

Да песень →

Іншыя публікацыі гэтага твора: З маіх песень.

Прапануем да спампаваньня!

З МАІХ ПЕСЕНЬ

Што нахлыне ў душу,
Што сасьню вечаром,
Праз што вочы рашу, —
Усё выльлю пяром.

Усё выльлю і ў сьвет
Песьняй лётнай пашлю, —
Няхай з віхрам у сьлед
Аблятае зямлю!

Хай лятае ўвакруг
Над скаванай зямлёй,
Дзе сьпяць сіла і дух,
Дзе брат свой, як ня свой!

І тых будзіць, хто сьпіць,
Хто цярпіць бяз віны;
Няхай гулка грыміць,
Як званы, пяруны!

---