Збор твораў (Колас, 1928—1929)/I/1/III/У судзе

← Першы заработак

У судзе Верш Аўтар: Якуб Колас 1928 год

З песень адзінокага →

Іншыя публікацыі гэтага твора: У судзе (Колас).

Прапануем да спампаваньня!

У СУДЗЕ

Янку прыгавар чытае
Член акружнага суда:

„Суд праўдзівым палагае
За праступак, што Дуда
Учыніў па добрай волі,
У цьвёрдай памяці, вуме —
За пакражу жыта ў полі
Пратрымаць год у турме!..
— А турму ты як адбудзеш —
Кажа член, каб горш кальнуць —
Дык правоў ты мець ня будзеш,
Нават соцкім не зьбяруць!“

Пакланіўся, асьцярожна
Янка члена стаў пытаць:
„Мой, паночку! ці ня можна
Тых правоў і з сына зьняць?“

1910 г.