Збор твораў (Колас, 1928—1929)/I/1/I/На прастор

← Суш

На прастор! Верш Аўтар: Якуб Колас 1928 год

Муха →

Іншыя публікацыі гэтага твора: На прастор!

Прапануем да спампаваньня!

НА ПРАСТОР!

Гэй, на волю, на разлогі
Смужных даляў і палёў,
Дзе ва ўсе канцы сьвятоў
Леглі вольныя дарогі!

Дзе бяз хітрыкаў, праўдзіва
Колас гутарку вядзе
І дзе дуб стары гудзе
Ня лісьліва і фальшыва,

А сваёй старой гудою,
Як і век ён гаварыў,
І дзе ўсю красу раскрыў
Луг шырокі над ракою.

Гэй, туды, дзе неба з долам
Абняліся, як браты, —
Хоць на міг забудзеш ты
Гэтай фальшы нудны шолам!

1914 г.