Збор твораў (Колас, 1928—1929)/I/1/I/Месяц

← Вясна

Месяц Верш Аўтар: Якуб Колас 1928 год

Уюцца думкі →

Іншыя публікацыі гэтага твора: Месяц (Колас).

Прапануем да спампаваньня!

МЕСЯЦ

Ціха месяц адзінокі
Ходзіць ў небе над зямлёю.
Неразгаданы, далёкі!
Што ты бачыш пад сабою?

Бачыш сьлёзы ты людзкія,
Як з расою тэй ліюцца,
А ў тумане думкі злыя
Горкім плачам аддаюцца,

Як бяз хлеба і бяз долі
Працавіты люд наш гнецца…
Кінь ты жальбу нашу ў неба —
Няхай неба ўскалыхнецца.

1907 г.