Збор твораў (Гартны, 1929—1932)/1/Беларусь-БССР/К зорам!

← Поэта, маці і муза

К зорам! Верш Аўтар: Цішка Гартны 1930 год

Да Нёмна →

Іншыя публікацыі гэтага твора: К зорам! (Гартны).

Прапануем да спампаваньня!

БЕЛАРУСЬ — БССР

К ЗОРАМ!

Працоўнік ўстаў і вызваленыя рукі
Да працы творчай прылажыў,
Вакол кіпіць яна пад радасныя гукі
Прызыўнай песьняй вольных ніў.
Адходзяць ўдаль часы прыгону,
Згасае мёртвасьці нямы пакор,
І шырай — шырай прагныя разгоны
Лятуць, лунаюць к сьветлу зор.
З заслоны цёмнай хмары-ахвіранкі,
Прамень хаваўшую вякі,
Прастораў вольных, ўсьвечаных заранкай,
Мігаюць ярка далякі.
Адкрыты шлях, праложаны струною,
К жыцьцю развойнаму вядзе.
Народ працоўны паўстаў і з боем
К яму йдзе ў дружнай грамадзе.

Менск, 24/VII — 1921