Збор твораў (Бядуля, 1937)/II/Яшчэ бялелі касагоры

← *** Абліта ззяннем зорак росная паляна

*** Яшчэ бялелі касагоры Верш Аўтар: Змітрок Бядуля 1937 год

*** Лугам-лугам зеляненькім →

Іншыя публікацыі гэтага твора: Яшчэ бялелі касагоры…

Прапануем да спампаваньня!

∗   ∗
∗

Яшчэ бялелі касагоры,
Ад снежных плямаў пара йшла,
Звінелі жаўранкі над борам,
Кідалі ўніз кавалкі шкла.

Рачулкі моршчыліся ў пене,
І крыгі сінія плылі.
Вятры зайгралі і запелі,
Як гітарысты, па зямлі.

Пад сонцам грэліся бярозы
У белым тонкім палатне.
І зелянелі вербалозы,
І за гарой папар чарнеў.

Пасадзец, 1911 г.