Збор твораў (Бядуля, 1937)/II/Абліта ззяннем зорак росная паляна

← *** Вісіць серп залаты над спалоханым борам

*** Абліта ззяннем зорак росная паляна
Верш
Аўтар: Змітрок Бядуля
1937 год

Іншыя публікацыі гэтага твора: Абліта зьзяньнем зорак росная паляна…

Прапануем да спампаваньня!

∗ ∗
∗

Абліта ззяннем зорак росная паляна.
Застыў пад мгненне ценяў чулы зарасняк.
З-за шыза-дымнай хмары круглы месяц глянуў,
У рэчку кінуў-сыпнуў бірузовы мак.

У блізкай вёсцы ўсхліпнуў, заспяваў гармонік;
Ён рэзаў, бы касою, цішыню начы.
Затросся лісцем свежым малады альхоўнік,
Ты, сэрца, адпачні тут, сэрца, замаўчы.

Пасадзец, 1911 г.