Збор твораў (Бядуля, 1937)/II/Грала, грэлася заранка

*** Грала, грэлася заранка
Верш
Аўтар: Змітрок Бядуля
1937 год

Іншыя публікацыі гэтага твора: Грала, грэлася заранка…

Прапануем да спампаваньня!

∗ ∗
∗

Грала, грэлася заранка.
Мэкала цялушка.
Пелі срэбныя вяснянкі
Над бярозкай птушкі.

Закружыла ў рэчцы кругі
Плойма шустрых плотак.
А туман вісеў над лугам,
Над каравым плотам.

Пасвятлела на паляне.
А на траўках — роскі.
Пахне раніца сняданнем
І дымком над вёскай.

Ля пагорку ў сонцаззянні
Нехта месіць гліну.
О, калі настане ранне
Для усёй краіны?

Пасадзец, 1911 г.