Збор твораў (Бядуля, 1937)/II/Б’ецца восень халодная ў рэчную шыбу

← Зазімак і адліга

*** Б‘ецца восень халодная ў рэчную шыбу Верш Аўтар: Змітрок Бядуля 1937 год

З песень зімы →

Іншыя публікацыі гэтага твора: Б’ецца восень халодная ў рэчную шыбу…

Прапануем да спампаваньня!

∗   ∗
∗

Б‘ецца восень халодная ў рэчную шыбу.
Безупынку трасе адзінокай вярбой.
Я далёкі вандроўца. Хачу да сялібы.
Па калена ў гразі на дарозе глухой.

Вунь стагі, нібы волаты, спяць на балоце.
Вунь узняў многа рук ясянёвы шкілет.
Дождж лупцуе па шыі, цапамі малоціць,
Мне здаецца, хаджу многа зім, многа лет.

А за мной непрытульнасці ў полі імглістым,
І крычыць вараннё, як на нейкі пажар.
Ногі лезуць у цеста, у квохат багністы.
О, задушыцца дзень пад дзяругамі хмар.

Пасадзец, 1915 г.