Збор твораў (Бядуля, 1937)/I/Гараць сняжынкі кволыя

← На балоце

*** Гараць сняжынкі кволыя Верш Аўтар: Змітрок Бядуля 1937 год

*** Хоць ты разарвіся →

Іншыя публікацыі гэтага твора: Гараць сьняжынкі кволыя…

Прапануем да спампаваньня!

∗   ∗
∗

Гараць сняжынкі кволыя
І гаснуць на зямлі.
Хвіліны невясёлыя
У сэрца заплылі.

Вільготнаю лучынаю
Дымяць мае гады.
А дзверы ўсе зачынены,
Куды ісці, куды?

Пад гурбамі-заховамі
Жыву і не жыву.
Хачу чагосьці новага —
Парву ланцуг, парву.

Пасадзец, 1910 г.