Заранкі (1924)/Вольны шлях

← Вечар на берагу возера

Вольны шлях Верш Аўтар: Янка Журба 1924 год

Восень →

Іншыя публікацыі гэтага твора: Вольны шлях (Журба).

Прапануем да спампаваньня!

ВОЛЬНЫ ШЛЯХ.

Конь наш птушкаю нясецца
Па палянцы па лясной;
Заліваецца-сьмяецца
Наш званочак пад дугой.
Вёска зьнікла — ўжо далёка,
Перад намі вольны шлях.
Эх, прастор які шырокі!..
Нам нясецца кветак пах.
Як чароўна ў полі мглістым:
Срэбны месяц вунь усплыў —
Бляскам белым і іскрыстым
Ўсё навокал пасрыбрыў.
А ўгары сьмяюцца зоры;
Ноч пануе на палях.
Прэч ідзі ты, злое гора, —
Перад намі вольны шлях!..