Жалейка (1908)/С песняў мужыцких

С песняў мужыцких
Верш
Аўтар: Янка Купала
1908 год

Іншыя публікацыі гэтага твора: Вось тут і жыві…

Прапануем да спампаваньня!

С песьняу мужыцких.

Нима хлеба, нима соли,
Чужому раби,
Нима шчасьця, нима доли,—
Вот тут и жыви!
Вот зима,—мароз вялики,—
Дровы ў Менск цягни;
Дзетки змйорзли: енки, крыки: —
Вот тут и жыви!
Прайшла зимка, цйопла стала,
Весна на зямли,
А тут корму, хлеба мала, —
Вот тут и жыви!
Весна, лета—час рабочы:
Ары, каси, жни;
Пот крывавы залиў вочы:—
Вот тут и жыви!
Прайшло лета, прыйшла восень,
Падатки няси;
А дзяцей абдзйортых восем!—
Вот тут и жыви!
Вот и будзь шчасливым, браце,
Доли не кляни:
Холад, голад, бяда ў хаце;—
Вот тут и жыви!
Працуй цяжка дни и ночы,
Пагарду цярпи,
Сказаў праўду,—дзяруць вочы;—
Вот тут и жыви!
…У палацы пьюць, гуляюць,
Свецяцца агни;
Мянеж с хаты выганяюць…—
Вот тут и жыви!…