Дні вясны (1927)/Кветкі красы/Хвалі

← ⁂ (Спатыкаем ўсе мы долю…)

Хвалі Верш Аўтар: Язэп Пушча 1927 год

Сьветлых дзён хараство →

Іншыя публікацыі гэтага твора: Хвалі (Пушча).

Прапануем да спампаваньня!

ХВАЛІ

Звонна-імпэтныя хвалі
сонца вясны улюлялі.

Ў іхнім адценьні лілёвым
сокі асокі зялёнай.

Часта зара паласкала
косы свае ў іх са скалаў.

Часта русалка ўмывала
стан свой ласкава-бялявы.

Сінь іх вясновыя ночы —
сьмех разьлівае дзявочы.

Хмельна-імпэтныя хвалі
ў далі крышталі ўлюлялі.

4/VI — 26 г.