Дні вясны (1927)/Кветкі красы/Песьня цьвіце…

← На дарогах крыжавых

⁂ (Песьня цьвіце…) Верш Аўтар: Язэп Пушча 1927 год

⁂ (Сьцюдзёнаю зімой…) →

Прапануем да спампаваньня!

∗
∗     ∗

Песьня цьвіце,
адцьвітае пад хмелем,
сьмех у завеях губляе.
Далі,
бель-сьнежныя далі…
Сеюцца,
сыплюцца
долу лілеі.

Вуснамі радасьці
цьвецень цалую…
Кветкі маёй вы палітры!
Хмельна-шалёныя рытмы
З скогатам,
рогатам
справілі гулі.

Сьвішчуць
узьлётныя сіверы ў высі, —
струны
настроены
стройна…

Музыка, лійся!
Прасторна!
Ў дзікай завеі
завійся,
узьвійся!

Гончыя ветры
імчацца узгор‘ем, —
хіляцца сосны,
яліны.

Ой вы, разлогі, даліны,
смутак спакойны
душы не агорне!