Для дзяцей (Талстой, 1928)/Байкі/Заяц і гончыя сабакі
| ← Сабакі і кухар | Заяц і гончыя сабакі Байка Аўтар: Леў Талстой 1928 год Арыгінальная назва: Заяц и гончая собака (1872) Пераклад: Макар Краўцоў |
Дуб і арэшына → |
Прапануем да спампаваньня!
ЗАЯЦ і ГОНЧЫЯ САБАКІ.
Заяц сказаў раз Гончаму Сабацы: „нашто ты брэшаш, калі ганяешся за намі? Ты хутчэй злавіў бы нас, каб бег моўчкі. А з брэхам ты толькі наганяеш нас на паляўнічага: яму чутно, дзе мы бяжымо, і ён забягае з стрэльбаю нам насустрэчу, забівае нас і нічога не дае табе.“
Сабака сказаў: „я не дзеля таго брашу, а брашу таму, што калі чую твой пах, дык і злую, і цешуся, што вось зараз злаўлю цябе і сам ня ведаю чаму, але не магу ўтрымацца ад брэху.“