Дзіва (1927)/I/Эскіз

← Ты ў вачох у сябе затаіла

Эскіз Верш Аўтар: Нічыпар Чарнушэвіч 1927 год

Кажанамі палонены логі →

Прапануем да спампаваньня!

ЭСКІЗ

Грэчка шапоча: „ня можна“
на пацалункі шмяля…
Песьня ніколі ня змоўкне,
ў радасьць ня згубіцца шлях.

Жыцьця салодкіх разынак
кожны сумеў смакануць.
Выпалеш радасьць — ўзыйдзе
новаю руньню агню.

Просіцца грэчка: „ня трэба“,
вусны-ж раскрыты: „вазьмі“!..
Гора мы носім бярэм‘ем,
шчасьце нас носіць саміх.

Узьніме і кіне бяз жалю
і абяцае „зайду“…
Жыцьця пазнаць-бы скрыжалі,
покі агонь не затух.

Перад каханьня Сінаем
хто ня схіляецца ніц…
Грэчка шапоча: „сканаю
ад пацалункаў вясны“.