Гусьляр (1910)/Zazimak

Zazimak
Верш
Аўтар: Янка Купала
1910 год

Іншыя публікацыі гэтага твора: Зазімак (Купала).

Прапануем да спампаваньня!

Zazimak.

Na uzhory, na daliny,
Na kusty, na pierewały
Lehli śnieżnyje kryštaly
Ad puciny da puciny.

Jak żywyje zory świetki
U niabiesnaj u kupieli;
Patanuli dali ŭ bieli,
Zaświacilisia paletki.

Ani pieśni, ani stonu…
Cicha skroś, jak u mahile!
Tolki, wystrajiŭšy krylla,
Hłucha krakajuć warony.

Woŭk z imšaraŭ wybryŭ sonnych
Na wakolicu pustuju,
I zawioŭ swaju staruju
Dumu dumaŭ biezprytonnych.

Recho wylecieło z bollu
Pa nizinie apuścieŭšaj,
I da wioski dalacieŭšy,
Zadryżeło ŭ častakole.