|
Stuża zbliżajecca.
Sonce chawajecca ŭ chmary,
Zołkaj słatoj nieba żalicca,
Kaŭki ukryli papary,
Čorna snujucca, jak mary…
— Stuża zbliżajecca.
Busiał sialibu pakinuŭ,
K wyletu i wyraj źbirajecca,
Liście skidaje rabina,
Tak nie bušuje skacina…
— Stuża zbliżajecca.
Ludzi nia ŭtulna schmurnieli,
Pieśni nie tak razlehajucca,
Droż prabiehaje pa ciele,
Cisnucca k chacie, k paścieli…
Stuża zbliżajecca.
Nudna… Siadżu adzinoki, —
Dumy dakučna čeplajucca,
Śnicca kraj lepšy, daloki,
Żal padstupaje hłyboki…
— Stuża zbliżajecca.
Hłucha prajšli hod za hodam
Dni, što iduć nieŭśmiechajucca,
Moładaść z wolnym pahlodam
Haśnie pad horeści lodam…
— Stuża zbliżajecca.
Ciomnaść razstawiła sieci;
Śloznyje wichry ŭźnimajucca,
Hubiacca siły ŭ raśćwiecie…
Boże, jak żudka na świecie!
— Stuża zbliżajecca.
|
Прапануем да спампаваньня!