Гусьляр (1910)/Naša minuŭščyna

← Son

Naša minuŭščyna Верш Аўтар: Янка Купала 1910 год

A jak my s chatki wychodzim →

Іншыя публікацыі гэтага твора: Наша мінуўшчына (Купала).

Прапануем да спампаваньня!

Naša minuŭščyna.

My nie żyli, jak żywuć ludzi,
Haścincam ščaścia nie chadzili,
Nie znali ŭciechi našy hrudzi,
Wiankoŭ my sławy nie nasili.

My ŭ paniżeńni, ŭ wiečnym trudzie,
Z dniom kożnym słabšyje na sile,
Biazcelna pa kalučaj hrudzie
Błudzili, horasna błudzili.

Bydlom asudżen byŭ walacca
Syn swajho kraju, rodnych mieżaŭ;
Kali-z chto ŭzdumaŭ pračychacca,
Kurhan prybawiŭ tolki świeży.

Chacieŭ chto pieśniaj adazwacca,
Hłušyŭ chaŭturny oklik z wieży;
Z niahodaj musili zmahacca,
Jak tyje wierby na ŭźbiareży.

---