Гусьляр (1910)/Ci ty ŭzojdzieš kali, sonce?

З пляцоўкі Вікікрыніцы
A jak nam zorki zahasnuć Ci ty ŭzojdzieš kali, sonce?
Верш
Аўтар: Янка Купала
1910 год
Źniamoha
Іншыя публікацыі гэтага твора: Ці ты ўзойдзеш калі, сонца?

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Ci ty ŭzojdzieš kali, sonce?

S płačem dumka-pieśnia ljecca
Pa zamučenaj staronce,
S płačem echa adabjecca…
Ci ty ŭzojdzieš kali, sonce?

Maci ŭdoŭka, siracinka
Pahledajuć u wakonce —
Dahareła ŭżo łučynka…
Ci ty ŭzojdzieš kali, sonce?

Pchniecca ścieżkaj padarożny, —
Nima chleba ŭżo ŭ chatomce, —
Cel daloka, zbłudzić można…
Ci ty ŭzojdzieš kali, sonce?

Mużyk z horem laże, ŭstanie,
Placie bajki dzietkam, żonce,
Tolki čutny uzdychańnia…
Ci ty ŭzojdzieš kali, sonce?

Šnur biedak pachaŭ da potu, —
Marny-ż kołas na sałomce, —
Ni krasy tej, ni ŭmałotu…
Ci ty ŭzojdzieš kali, sonce?

Biezziamielny zhubiŭ dolu,
Choć šukaj z biady ŭ pałomce;
Ni tej chaty, ani pola…
Ci ty ŭzojdzieš kali, sonce?

Serce poŭnaje trywohi
Żalma żalicca biazkonca;
Ni tej praŭdy, ni darohi…
Ci ty ŭzojdzieš kali, sonce?

S płačem dumka-pieśnia ljecca
Pa zamučenaj staronce,
S płačem echa adabjecca…
Ci ty ŭzojdzieš kali, sonce?
— Ci ty ŭzojdzieš?