Водгульле (1922)/Хто нам скажа…

Хто нам скажа…
Верш
Аўтар: Якуб Колас
1922 год

Іншыя публікацыі гэтага твора: Новаму году (Колас).

Прапануем да спампаваньня!

* * *

Хто нам скажа, хто згадае,
Чым нас Новы Год спаткае
І парадуе нас чым?

Год мінулы злым прыўдаўся,
Тросься сьвет і садрыгаўся,
Апавіты ў гар і дым

Наш набытак зьнішчан прахам.
Неашчадным, страшным махам
Сьмерць каснулася зямлі.

На сіротах нашых--нівах
Замест снопікаў шчаслівых
Густа косьці паляглі.

За сяўцоў былі гарматы,
Замеж зернятак гранаты
Шчыра сеялі ў той год.

Нязьлічонымі крыжамі
Сьлед адзначан, дзе з сьлязамі
Бег разбураны народ.

Гора Белу Русь спаткала,
Ў сьвет далёкі люд пагнала,—
Цяжак быў мінулы час!

Чымэка Новы Год спаткае?
Ці аціхне бойня тая?
Чым парадуеш ты нас?

29/XII 1915 г.