Водгульле (1922)/Песьня адзінокага

← Хто нам скажа…

Песьня адзінокага Верш Аўтар: Якуб Колас 1922 год

Эх, на што… →

Іншыя публікацыі гэтага твора: Зь песень адзінокага.

Прапануем да спампаваньня!

ПЕСЬНЯ АДЗІНОКАГА.

Я—адзін, жыву бяз дому,
Сам сабе я першы пан,
Галавы ня гну нікому,
Ня схіляю гібкі стан.

Я—адзін, нічым няскован,
Волен я, як дух палёў;
Ад разбойнікаў захован,
Ад, усякіх зладзяёў.

Я—адзін, нічым ня зьвязан,
Мне няма над чым карпець,
Сьвет нідзе мне незаказан,
Волен ўсюды я ляцець.

Скарб мой—рукі, мой конь—ногі;
Як пайду—сам чорт ня брат!
Кій у рукі і з дарогі
Без нуды зірну назад,

Даражэй ўсяго—свабода.
То што плакацца дарма?..
Эх, ты, воля! толькі шкода,
Што цябе нідзе няма!

7/III 1910 г.