Водгульле (1922)/Старыя песьні

Старыя песьні
Верш
Аўтар: Якуб Колас
1922 год

Іншыя публікацыі гэтага твора: Старыя песьні (Колас).

Прапануем да спампаваньня!

СТАРЫЯ ПЕСЬНІ.

Скарга нязьменная, гора нязбытае…
Голь змардаваная, голь неакрытая,
Бедная, цёмная, цёмная голь!

Заўжды спагнаньнем мяне спатыкаеш,
Заўжды ты душу маю спавіваеш
Ў цяжкую тугу і боль.

Стогне з табою і даль сіратлівая.
Ціш гэта немая, шыр маўчалівая
Ціхіх разлогаў-палёў.

Чым-жа пацешыць вас, людзі пакутныя?
Як разагнаці вам думкі ўсе смутныя?
Гора ня сьціхне ад слоў.

30/III 1914 г.