Водгульле (1922)/Голь

Голь
Верш
Аўтар: Якуб Колас
1922 год

Іншыя публікацыі гэтага твора: Голь (Колас).

Прапануем да спампаваньня!

ГОЛЬ.

Голь абадраная, голь неакрытая,
Злою нядоляю моцна прыбітая!

няма табе, горкай, ніколі спакою—
Ў весну і ў лета, у восень, зімою…

Людзі бяздомныя, людзі бязродныя!
Поўняцца вамі астрогі халодныя;

Там холад і сырасьць і вецер сьвідруе,
Там твае скаргі ніхто не пачуе…

Што-ж цябе гоніць, голь неакрытая,
Голь бедачыная, Богам забытая?

6/X 1910 г.