Вершы (Бандарына, Вішнеўская, Пфляўмбаўм, 1926)/Бандарына/8 сакавіка

← ⁂ (Слаўны дзянёк…)

8 сакавіка Верш Аўтар: Зінаіда Бандарына 1926 год

Завіхурыла сьпевам машына →

Прапануем да спампаваньня!

8 САКАВІКА

Цешыцца сэрца дзявочае сёньня,
Радасьць, бы зорка, ў вачох іскрыцца.
Сонечным шчасьцем песьні зазвоняць —
— Сьвята, сусьветнае сьвята, сястрыца!..

Кліч наш на Захад няхай імкнецца!
Вольнасьць здабудзем!
Пакута загіне!
Зьнішчым паноў мы! Прыходзе канец ім!
Няволі ня будзе
Ў мяцежнай краіне!..

Цешыцца сэрца дзявочае сёньня,
Радасьць, бы зорка, ў вачох іскрыцца.
Сонечным шчасьцем песьні зазвоняць —
— Сьвята, сусьветнае сьвята, сястрыца!..