Вершы (Бандарына, Вішнеўская, Пфляўмбаўм, 1926)/Бандарына/Слаўны дзянёк…

← Шэптам дзіўным

⁂ (Слаўны дзянёк…) Верш Аўтар: Зінаіда Бандарына 1926 год

8 сакавіка →

Прапануем да спампаваньня!

∗
∗     ∗

Слаўны дзянёк…
Міліёнам праменьняў
Чырваньню сонца гуляе ў гадох.
Глянула…
Ўспомніла…
Моцнымі зьвеньнямі,
Моцная сіла ў нашых радох.

∗
∗     ∗

Раньня марознага енкі чутны…
Чую дасюль яшчэ стогн пад навалаю
Панскай збуцьвелай рукі.
Доўга, ці доўга чакаць нам чаканага? —
Молатам моцным… б‘юць кайданы.
І усьміхнулася сонца жаданае.
Глянула — Воля ідзе паплавом.

Воля магутная, Воля чаканая
Моцнаю плыньню імкне к братом.
Хай-жа нацешыцца паншчына дзікая:
Не сустрымае крыжацкі залом.
Воля магутная, шчасьце вялікае
Чырваньню-плыньню ліецца к братом.