Вершы (Бандарына, Вішнеўская, Пфляўмбаўм, 1926)/Бандарына/Завіхурыла сьпевам машына

← 8 сакавіка

Завіхурыла сьпевам машына Верш Аўтар: Зінаіда Бандарына 1926 год

І толькі ты →

Прапануем да спампаваньня!

ЗАВІХУРЫЛА СЬПЕВАМ МАШЫНА

Завіхурыла сьпевам машына,
Расквітае зарою усход.
Гэта — ў хвалях вясёлых чырвань
Плытагоніць жыцьця веснаход.

Прамень сонца, спавіты ласкай,
Яе з новым днём прывітаў.
А ў душы — дух юнацкі-бунтарскі,
Дух паўстаньня ў душы расквітаў.

Вольнасьць сьцягі свае хвалявала,
Да змаганьня звала народ…
Беларусь! сёньня ты сустракала
Плёскам радасьці сёмы свой год.

Сярод радасьці ўсплёскаў іскрыстых
Песень тых, што бадзёраць шаг,
Поўна думак бунтарскіх агністых
Маладой Беларусі душа.