Вершы (Бандарына, Вішнеўская, Пфляўмбаўм, 1926)/Бандарына/І толькі ты

← Завіхурыла сьпевам машына

І толькі ты Верш Аўтар: Зінаіда Бандарына 1926 год

Галя →

Прапануем да спампаваньня!

І ТОЛЬКІ ТЫ…

Чаму мне хочацца сьмяяцца-весяліцца,
Чаму плюскоча радасьці задор,
Калі бліскучая зарніца
Гудком шугае у прастор?
Эх, кліч заводу,
Грохат вуліц,
Гарадзкога шуму перазвон;
Моладзь творыць жыцьцё ў разгульлі
На агні мінулых дзён.
А ты, прадоньне беднаты —
Вёска! вёска, — балаты,
Шумліва-цёмныя бары…
Вёска, толькі ты бязьмежнай плыньню,
І толькі ты паркальнай сіньню
Схавала чырвані-дары,
Згінаючы мазольнай сілай
Старыя — торкія гады.
Дні прышлі… Мінулае застыла.
Куём жыцьцё працоўнай грамады,
Куём жыцьцё мазольнай сілай, —
Гінуць роспачы гады.