Бура

З пляцоўкі Вікікрыніцы
Jump to navigation Jump to search
Бура
Верш
Аўтар: Максім Багдановіч
Крыніца: http://rv-blr.com/vershu/view/20


Панурая, вялізная жывёла
Па шыры неба ў даль марудна праплывае.
Ўсё сьціхла. Але вось паветра расьсякае
Агністы меч і зіхаціць вясёла.

Ударыў ён – і грукат пракаціўся;
Мігае грозны меч, удары не сьціхаюць,
І ўніз халодныя бічы крыві сьцякаюць,
А людзі кажуць: гэта дождж праліўся.

(1911)